Nordkalottfolket njeaiddášii hálddahusa

Nordkalottfolket dáhtošii njeaidit sámedikki hálddahusa lagabui 23 millijuvnna kruvnnuin boahtte jagi, nu bidje ovdan molssaevttolaš bušeahtas jagi 2022:ii sámedikki dievasčoahkkimis otne. Bellodat dáhtošii baicce ruđaid geavahit nannet ealáhusaid 14 mill. kr ja 10 mill. kr mearrasámi guolástanvuoigavuođaid nannemii ja buoridit rittu infrastruktuvrra ja johtolaga. Stuorámus oassi hálddahusa goluin leat bálká ja bargigolut, ja 23 millijuvnna kr uhccit lea sullii 27 uhcit bargi/jahkebarggu uhccit hálddahusas. Hálddahusas leat otne su 150 bargi. Sámediggi rehkenastá juohke jahkebarggu máksit su 850.000 kr.