Vuovdán olu TIL-biktasiid

Romssa valáštallan searvvi, TIL, beaivválaš jođiheaddji, Øyvind Alapnes, lea hirpmahuvvan dan responssas maid searvi lea ožžon maŋŋel go almmuhii ahte ovttasbarget Amnesty Internationalain. Mediat miehtá máilmmi leat dieđihan joavkku ođđa biktasa birra, mas lea QR-koda mii gullá neahttasiidui, mii čalmmustahttá ahte Qatar čiekčanmáilmmimeašttirgilvvuid oktavuođas rihkkot olmmošvuoigatvuođaid. Čiekčamat lágiduvvojit boahtte jagi. Alapnes dadjá ahte dat ođđa báiddit leat hirbmat bivnnuhat.