Gáibidit fiskes dási skuvllain

Skuvllaid riikasearvi háliida fas ásahit johtolatčuovgamodealla skuvllain ja mánáidgárddiin. LO skuvlalihttu gohčču ahte ásahit miehtá riikkas fiskes dási mii galgá leat standárda. Sivvan dasa lea go koronanjoammun dál leavvá jođánit sihke skuvllain ja mánáidgárddiin. Go lea fiskes dássi, de ii galgga leat fysalaš oktavuohta. Skuvlalihttu oaivvilda dat galggašii lea váldonjuolggadus ja ahte suohkanat sáhttet sirdit bajás dahje vulos dási, jus njoammun lassána dahje jus njiedjá.