Isket dálveorohagaid guohtondili
Romssa ja Finnmárkku stáhtahálddašeaddji boazodoalloossodagas ja Boazodoalu heahtegearggusvuođalávdegottis leat mannan iskat guohtondili Oarje-Finnmárkku dálvveorohagain, čállá Ávvir. Boazosápmelaččat muitalit dálveorohagain lea heajos ealát ja ollu siiddat ballet šaddamis goavvejagi fas. Boazodoallodirektevra Sunna Pentha lohká Ávvirii dehálačča ahte eiseválddit duođaštit heahtedili, go muđui eai luovvan ruđat.