Čavgadut luossabivdonjuolggadusat

Boahtte jagi soitet šaddat čavget luossabivdonjuolggadusaid. Norgga luossajogaid searvvi eanaeaiggádat leat dál guorahallamin makkár doaimmaid sáhtášedje ásahit gádjut eamiluosa dál go dat lea geavvan rukses listui. Váldočálli Torfinn Evensen lohká iežaset geahččaleamen bisuhit luossajogaid giddekeahttá ja soaitá šaddat dakkár ortnet ahte eanet luosat galget fas luitojuvvot ruovttoluotta johkii.