Dárkkis suovvanjurggoniid

Otne lea dat beaivi goas ávžžuhit dárkkistit suovvanjurggoniid. Dál lea álgimin áigi goas eanemus dáhpáhuvvet buollimat Norggas ja danne juovlamánu vuosttas beaivi leage šaddan suovvanjurggoniid beaivin. Báhttera molsuma lassin lea vuogas maid dárkkistit goas dáid buollinbiškkoniid áigemearri nohká. –Olbmot vajálduhttet dávjá, ahte dain leat maid áigemearit, dadjá Norgga buollinsuodjaluslihttu doaibmi direktevra Rolf Søtrop.