Aotearoa rahpá rájáid

Boahtte jagi cuoŋománu 30. beaivve besset olgoriikalaččat, geat leat ollásit boahkuhuvvon Aotearoai dahjege Ođđa Zelándai go dalle rahpet rájá olgoriikalaččaide, geain lea koronapassa. Dan almmuhii riikka koronaministtar Chris Hipkins. Rájá giddejedje diibmá njukčamánus. Dušše stáhtaborgárat ja olbmot, geat fásta ásset riikkas, ožžo rasttildit rájá. Kránnjá riikkas Australias besset ollásit boahkuhuvvon olbmot Aotearoai jo ođđajagimánu 16. beaivve rájes dárbbaškeahttá karantenii mannat. Dan dieđiha riikka ođasdoaimmahat RNZ.