Evttohuvvon FeFo-stivrii

Nordkalottfolket bellodat lea evttohan kirkonjárgalačča Geir Enok Thrane lahttun Finnmárkkuopmodaga stivrii, ja čáhcesullolačča Ingvild M. L. Halvorsena fas várrelahttun. Nu dieđiha Nordkalottfolket iežas neahttasiidduin. Geir Thrane bargá Scanvulk AS fitnodagas ja jođiha Njávdáma bivdo- ja guolástansearvvi. Nordkalottfolket jođiheaddji Torill Bakken Kåven lohká sii leat vuđolaččat ohcan evttohasa FeFo-stivrii ja sii leat ilus go Thrane lea mielas bargat FeFo-stivrras. Geir Thrane lohká son mieđaid stivralahttun go sus leat seamma oainnut go Nordkalottfolket bellodagas dehálaš áššiin, dego ahte ferte čielggadit riektavuogádagas geat oamastit eatnamiid Kárášjoga gielddas. Sámediggi nammada FeFo stivrralahtuid dievasčoahkkimis juovlamánus.