Gaski guođđá Bargiidbellodaga
Jørn Are Gaski lea cealkán iežas eret Bargiidbellodagas ja ásaha sierra joavkku Sámedikkis, nu čállá aviisa Ságat. Čakčamánus son válljejuvvui Sámediggái guđát geardde. Earret eará Bargiidbellodaga vuoroheamit válggaid hárrái ja politihkka dán maŋimuš vihtta jagi, lohká Gaski leat sivvan manin son geassáda bellodagas. Su ođđa joavkku namma lea Sámiid Gurutbellodat.