Sámiid searvvis eai vuollán

Kárášjoga eatnamat gullet gieldda álbmogii, oivvildit Kárášjoga sámiid searvvis. Sii leat gárvá mannat juoba riikkaidgaskkasaš duopmostuoluide dainna áššin, dadjá searvvi jođiheaddji Ragnhild Nystad. Finnmárkkuopmodat lea gáibádusas Finnmárkku duopmostullui addán ja das čállá advokáhta, ahte eananoamasteapmi Kárášjogas galgá leat Finnmárkkuopmodagas. Dál eai sii gal vuollán, dadjá Nystad.