Koronadilli Davvi-Norggas
Otne čoahkkinastet Davvi-Norgga gielddaid ovddasteaddjit Álbmotdearvvašvuođainstituhtain ja Dearvvašvuođadirektoráhtain ságastallat koronadilis mii lea davvin. Romssas ja Finnmárkkus leat njoammumat sakka lassánan maŋimuš áiggiid. Maŋimus vahkus leat Romssas duođaštuvvon 30- 50 ođđa njoammuma juohke beaivve ja dál áiggošedje guhkit áigge njoammuneastadandoaimmaid ásahit gávpogii. Álttás leat dál 12 njoammuma duođaštuvvon ja 57 olbmo leat erremis.
