De luobai presideantan

Otne sámediggečoahkkimis de ovdanbuvttii ovddit áigodaga Sámediggeráđđi politihkalaš rehketdoalu ja giittii áigodaga ovddas. – Dat lea leamaš stuora gudnin ovddastit sámi álbmoga. Sávan ahte dii nai boahtibehtet vásihit ahte politihkalaš bargu lea hávski ja gelddolaš. Dasto mun luoban presideantan ja giittán iežan ovddas, logai Aili Keskitalo sárdnestuolus. Beaska Niillas giittii Áili Norgga Sámiid Riikasearvvi beales ja geigii ulloliinni skeaŋkan.