Gonagas loktii ovdan guohtunroasu

Gonagas Majestehta loktii ovdan ovddit dálvvi goavvegiđa mii garrasit čuozai boazodollui. Son logai ahte dál mii oaidnit ovdamearkkaid mat duođaštit ahte dálkkádat lea rievdamin. – Dálkkádatrievdamat čuhcet erenoamáš garrasit árktalaš guovlluide ja álgoálbmogiidda. Sámit geat barget árbevirolaš luondduvuđot ealáhusain, vásihit ahte eavttut leat rievdamin. Jagi 2020 dálvi ja giđđa duođaštedje ahte boazodoallu lea erenoamáš rašši, bivvaliid, buollašiid ja ollu muohttaga ja jieŋa geažil. Boazodoalloservodat ražai garrasit elliideaset gádjumiin, logai son. Geahča olles sárdni dáppe.