NRK Meny

Nuvttá oaggunordnet hui bivnnut

Eanetgo 1000 olbmo leat alcceseaset ordnen Finnmárkkuopmodaga nuvttá oaggunkoartta. Luondduhálddašeaddji cealká ahte nuvttáortnet veahkeha kártet finnmárkulaččaid oagguma, ja buorida guollehálddašeami. Ordnet ásahuvvui diibmá, ja doaibmá nu ahte finnmárkkuássiin lea vejolašvuohta eaktodáhtolaččat ja nuvttá registreret iežaset jávre- ja johkabivdin. Ordnet ásahuvvui go Finnmárkkuopmodagas guhká lei leamaš buorre máhttu gos, goas ja man olu turisttat bivdet, muhto uhccán máhttu finnmárkulaččaid jávre- ja johkabivddu birra.