Nussir vuordá ovtta mieđáhusa
Minerálahálddašan direktoráhtas lea 6 jagi áššemeannudeapmi, mat gusket ruvkedoaimmaid doaibmakonsešuvdnii. Muhto dat ii boađe váikkuhit Nussir ruvkefitnodahkii, mii lea plánen álggahit veaikedoaimma Riehpovutnii, Oarje-Finnmárkui. Meannudan vuordináigi guoská dušše ruvkkiide, mat leat leamašan doaimmas ovdal go dat ođđa minerálaláhka doaibmagođii jagi 2010, ja dat ii guoská ođđa ruvkeprošeavttaide. Doaibmakonsešuvdna lea dat áidna mieđáhus maid Nussir dárbbaša ovdal go sii sáhttet álggahit doaimma. Nussira ohcamuš lea dál direktoráhtta meannudeamen.