NRK Meny
Normal

Nuorta Sámi Musea rahppá navdimis uvssaid 2016s

Nuorta Sámi Musea Njávdámis dáidá 2016 jagis beassat rahpat uvssaid olbmuide. Go museái leat háhkamin glássamontáriid, dahjege skáhpaid, mat dollet gáibiduvvon áibmoteamperatuvrra. Glássamonterat čovdet buot váttisvuođaid, oaivvilda Deanu ja Várjjat Museasiidda direktevra Johnny-Leo Jernsletten.

Østasamisk museum i Neiden
Foto: Nils H Måsø / NRK

Johnny-Leo Jernsletten

Deanu ja Várjjat Museasiidda direktevra Johnny-Leo Jernsletten.

Foto: Nils Henrik Måsø / NRK

Ášši lea dál Statsbygga duohken. Jos Statsbygg doallá lohpádusas, buktit glássamonteriid skábmamánus, de dáidá Musea leat rahpanlahkai 2016s. Dan muitala Deanu ja Várjjat Museasiidda direktevra Johnny-Leo Jernsletten.

Statsbygg ođđa jurdda geahpeda barggu

Jernsletten muitala ahte olles dán geasi lea glássamonterfitnodat ja čájáhusarkiteakta bargan dáinna áššiin. Dát lea oalle stuorra bargu, ja šaddá maid divrras, muhto dát hutkus čoavdá áibmoteamperatuvrra dávviriidda, ja dáhkká vejolažžan smiehttagoahtit goas musea sáhtašii rahpat almmolaččat.