Nuorra nieiddat ráhčet

Nuorra nissonat barget unnit, ožžot eambo sosiálaveahki ja ráhčet maid eambbo psykálaččat, nu čájeha Nordlandsforskning nammasaš dutkanprošeakta mii lea iskkan mo olbmot ellet ja birgejit. Okta viđádas oassi nuorra nieiddain geat leat gaskkal 16 ja 24 jagi ráhčet, lohkku nuorra dievdduid gaskkal lea mealgat unnit. Dutkit leat vuorjašuvvan ja eai dieđe manin lea nu.