NRK Meny
Normal

Blacksheeps Frokost TVs

Agnete Kristin Johnsen (13) ja su joavku Blacksheeps leat šaddamin eambbo aht` eambbo dovddusin. Ihttin sáhtát sin oaidnit NRK iđit-TVs, "Frokost TV".

Agnete Kristin Johsen
Foto: Trine Boine Stødle / NRK

Ihttin iđđedis sullii diibmu logi badjel bealovccis gal livččii vuogas geahččat "Frokost TV" mii sáddejuvvo NRK1s. Dalle leat Agnete Kristin Johnsen ja su joavku Blacksheeps guossin.

Liiko oidnot

- Mu mielas lea somá boahtit TVii ja radioi. Illába jáhkášin dán mii dál lea dáhpáhuvvan, lohká Agnete Kristin Johnsen Sápmi dál prográmmii.

- Mii eat leat gal vel nu dovddus, muhto mii šaddat gal eambbo dovddusin. Áiggon šaddat vel eambbo dovddusin go lean geargan oahpuin, čilge nuorra lávlu.

Dovdá movtta lávddi alde

Leatgo don dat ođđa Mari Boine?

Jo. Mun lean. Na, in duođaid jáhke, vástida Agnete .

Unjárgga ovddeš sátnejođiheaddji Ann-Jorid Henriksen dat fuobmái su. Dasto válddii sátnejođiheaddji oktavuođa Musikk i Finnmark jođiheaddjiin Harald Devold. Ja das rájes lea olu dáhpáhuvvan joakkuin.

Leatgo balus go leat kameraid ovddabealde?

- Veahá balus, muhto mun liikon go olbmot oidnet mu. In dieđe maid dovddan, muhto dovddan hirbmat movtta. Dat lea somá, muitala nuorra nieida gii orro dego riegádan lávllodit stuorra lávddiid alde.

Loga maiddái

Fuomášan lávlonjiena

Gula Sápmi dál jearahallama