Hopp til innhold

Nuorra geassebargi Skuvvanváris

Mearra lea stuoris ja dat geasuha, lohká nuorra geassebargi Avvilis Suoma beale Sámis eret. Sus lea geassebargu Kárášjogas ja Skuvvanváris Porsáŋggus.

Paula Rauhala

Paula Rauhala Porsáŋggu museas Skuvvanváris

Foto: Arne Ivar Johnsen / Nrk

Paula Rauhala lea 22 jagi boaris ja Avvilis Suoma beale Sámis eret. Dán geasi bargá son RiddoDuottarMuseaid Vuorkádávviriin Kárášjogas ja Porsáŋggu museas Skuvvanváris. Paula lea ovdal bargan Siida Sámi museas Anáris, dan maŋŋá son lohkagođii sámegiela Giellagas instituhtas Oulus.

Porsangerfjorden

Porsáŋgguvuotna gos mearra viidána ja stuorru davásguvlui

Foto: Arne Ivar Johnsen / NRK

Mearra lea stuoris

Paula Rauhala lea riegádan Avvilis Suomas gos gal eai leat nu alla várit ja iige doppe leat mearra. Paula fitná gaskkohagaid Skuvvanváris Porsáŋggus ja dáin guovlluin son lea ovdalge jođašan. Mearra lea issoras stuoris ja dasa son liiko. Dáppe son beassá finadit danin go beasai bargui Kárášjohkii. Deike son ozai danin go háliida ođđa vásáhusaid ja vel oahppat dárogiela.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.