NRK Meny
Normal

Miellagiddevaš čájáhusat

Victoria Andersson (govas) lea nubbi guovtti dáiddáris geas lea čájáhusrahpan Sámi Dáiddaguovddážis Kárášjogas otne.

Victoria Andersson
Foto: Dan Robert Larsen / NRK

Stuorra čájáhuslanjas rahpá Outi Pieski sierračájáhusa. Pieski lea sápmelaš govvadáiddár Suomas eret. Smávit lanjas rahppo gis Victoria Andersson sierračájáhus. Son lea maid sápmelaš govvadáiddár ja Ruoŧas eret.

Tekstiiladáiddár

 

Victoria Andersson
Foto: Dan Robert Larsen / NRK

Sámi Dáiddaguovddáža preassadieđáhusas muitaluvvo, ahte Victoria Andersson (1971) lea riegádan ja bajásšaddan Gironis. Sus lea oahppu Hápmen ja dáiddaduoji allaskuvllas Gøteborggas - Høgskole for design og kunsthåndverk i Göteborg. Maŋŋá allaskuvlla, fárrii son ruovttoluotta Norrbottenii. Son orru ja bargá dál Luleås.

Su bargguin lea vuolggasadji tekstiila árbevierus. Son ráhkada muitalusaid/dajahusaid iešguđetge hámiin.

Fárren fas davás

Outi Pieski (1973) lea bajásšaddan Helssegis ja lea aiddo fárren bearrašiinis áhčis ruovttubáikái Dálvadassii Ohcejoga gieldii. Luondu ja gullevašvuohta guovtti servodahkkii leat mávssolaš oasit Outi Pieski dáidagis.

”Mun čoakkán osiid mu identitehtas, sihke Helssegis ja Dálvadasas ja geahččalan dohkkehit dan bieđgás hámi mii dás šaddá boađusin. Dávttit maid duoddaris lean gávdnan ealáskit njuođahusain, dahje čohkkegohtet alccesis ođđa rikki, dákteriggin, duollji lágasvuođain.

Guktot čájáhusat rahppojit eahkedis otne Sámi Dáiddaguovddážis Kárášjogas.

Geahčá reportáša dáiddaguovddážis