NRK Meny
Normal

Nuorat oadjudit

Facebook-joavku "Norges vakreste same", dahje "Norgga čabbamus sápmelaš", lea dušše leaikkastallan.

Facebook "Norges vakreste same"
Foto: Skjermdump / NRK

Nu lohket nuorat ieža, geaiguin NRK Sápmi lea gulaskuddan. Okta dáin nuorain lea 17-jahkásaš Eli Jeanette Pedersen, geas alddes lea govva bidjon jovkui, maid eará Facebook-geavaheaddjit sáhttet jienastit.

Eli Jeanette Pedersen
Foto: Privat / Facebook

Váhnemat reageren

Dán facebook-joavkkus lea vejolaš jienastit olbmuid čabbodaga. Vaikko muhtin váhnemat leat reageren ja lohket ahte ii leat heivvolaš mánáid ja nuoraid čabbodaga jienastit, de hálidit nuorat ieža oadjudit ahte dán joavkku ii galgga duođalaččat váldit. Manga nuora čuoččuhit ahte ii leat sáhka givssideami birra vaikko vel galgá jienastit olbmuid čabbodaga.

Dihtet joavkku birra

Mánáidaittardeaddji muitala ahte leat ožžon mielde dán ášši. Mánáidaittardeaddji lea aibbas ovttaoaivilis diehtobearraigeahččin ahte ii galgga bidjat nehttii eara olbmui govaid dohkkeheami haga.

NRK Sápmi ii leat lihkostuvvan gavnnahit "Norges Vakreste Same" vuolggeheaddji.