Hástala "tabu-fáttáin" hállat

Sámi girječálli Liv Tone Boine girjji "Savkkas" ilbmá dál. Dáinna girjjiin sávašii eanet rabasvuođa tabu-fáddáid birra. 

Girječálli Liv Tone Boine
Foto: NRK

 

Girječálli Liv Tone Boine
Foto: NRK

Liv Tone Boine lea Kárášjogas eret. Son lea ovdal čállán oahppogirjjiid, muhto dát girji lea su vuosttaš noveallačoakkáldat. Girjji namma lea "Savkkas", ja das leat sihke divttažat ja oanehis noveallat

Lossadis áššit fáddán

Boine čállá fáttáin main ii leat nu álki háleštit. Dás lea sáhka áššiin nugo borgguheamis, jugešvuođas, ráhkisvuođas ja veahkaválddálaš-vuođas.Girji lea jurddašuvvon nuoraide, muhto heive dieđus ge buohkaide geat beroštit nuoraid áššiin. Girjji namma

Liv Tone Boine muitala guhká smiehttan maid namman galggašii bidjat girjái. Ijai beivviid de smiehtai. Loahpa loahpas dorvvastii sátnegirjái ja das de ozai heivvolaš nama. Savkkas dat heivii danne go son han čállá áššiin maid birra nuorat savkkastallet, eai ge hála rahpasit.

Girjái lea govaid sárgon su viellja Eilif Boine .

Eilif Boine lea sárgun govaid
Foto: Privat

 

             

Lea  sámi lágádus Davvi Girji mii almmustahttá Liv Tone Boine girjji "Savkkas"

Gula jearahallama, doaimmaheaddji lea Wenche Marie Hætta