NRK Meny
Normal

NSR-siebrre opposisjåvnås oajvvadij

NSRa bájkálasj siebrre Sálto Sámesiebrre oajvvadij opposisjåvnås sáme ájrrasav barggojuohkusij mij guovllomedisijnalasj guovdásj-ássjijn galggá barggat.

NSR:a ja DSJ:a TDMS-ájrrasatjåhkanibme

Ájllegin Sálto Sámesiebrre-NSR ja Doajmmasiebrre Julevsábme rabás tjåhkanimev Divtasvuonan ásadin gånnå ságastallin gudi sámebieles galggi dán bargon oassálasstet.

Foto: Simon Piera Paulsen / NRK

Henrik Olsen

Sámedikkeráde Henrik Olsen diedet Sámedikkeráde le oadtjum guhtta oajvvadusá.

Guovvamánon Stájgo, Divtasvuona ja Hábmera suohkanoajve (STH-nammadus) aktan Sámedikkerádijn tjåhkanin gånnå ságastallam lij varresvuodafálaldagá julevsáme guovlon hiebadahtedum sámij dárboj gáktuj, ja vat ådåsis guovllomedisijnalasj guovdásj (TDMS) ássjijn barggagoahtet.

Árran og Lars Andreassen

Árran ævtot ietjas direktørav Lars Magne Andreassenav.

Foto: sander Andersen/NRK / NRK

Gålmmå sáme ájrrasa

Sámedikkeráde galggá nammadit gudi sámebieles galggi dán bargon oassálasstet. Dan diehti Sámedikkeráde gåhtjoj niellja sáme siebre buktet oajvvadusájt gudi bierriji dán barggojuohkusin tjåhkkåjit.

Sámedikkeráde galggá gålmmå sáme ájrrasijt barggojuohkusij nammadit boahtte dijstagá, snjuktjamáno 25. biejve.

Guhtta oajvvadusá

Sámedikkeráde Henrik Olsen diedet Sámedikkeráde le oadtjum guhtta oajvvadusá.

  • Árran julevsáme guovdásj oajvvat ietjas direktørav Lars Magne Andreassenav.
  • Divtasvuona demænssasiebrre oajvvat Inga Karlsenav ja Anna Kuoljokav.
  • Sálto Sámesiebrre-NSR oajvvat Hugo Kalstadav, ja sunji sadjásattjan oalgesbelludakpolitihkkár Lars Filip Paulsen.
  • Doajmma Siebrre Julevsábme oajvvat Jørgen Kintelav.

Hugo Kalstad ja Lars Filip Paulsen

Sálto Sámesiebrre ietjas jådediddjev Hugo Kalstadav (guoro bielen) oajvvat, duodden oalgesbelludakpolitihkárav Lars Filip Paulsenav (rivtes bielen) sadjásattjan.

Foto: Simon Piera Paulsen / NRK

Oajvvat opposisjåvnås

Jørgen Kintel

Doajmma Siebrre Julevsábme oajvvat Jørgen Kintelav.

Foto: Fylkesmannen i Nordland

Sálto Sámesiebrre, mij la NSRa bájlkkálasj siebrre, diedet sij ietjas jådediddjev Hugo Kalstadav oajvvadi, duodden oalgesbelludakpolitihkárav Lars Filip Paulsenav sadjásattjan. Oalgesbelludak la Sámedikken opposisjåvnnå.

– Sivratjåhkanimen mierredijma Sálto sámesiebre jådediddjev oajvvadit, duodden Lars Filip Paulsenav sadjásattjan. diedet jådediddje Hugo Kalstad.

Manen opposisjåvnås ájrrasav oajvvadihpit?

– Dát ássje la nav ájnas, sihtap buoremus ulmutjijt dán bargguj berustahtek makkir beludagán jali organisasjåvnån ájrrasa li.

Lars Filip Paulsen diedet sån ij la NSRan sebrulasj, ij la ga ájggomus boahtteájggáj NSR-politihkkárin sjaddat.

Aili Keskitalo ja Inga Karlsen

Inga Karlsen (rievtes bielen) sámedikkepresidenta Aili Keskitalo siegen. Divtasvuona demenssasiebrre Anna Kuoljokav ja Inga Karlsenav oajvvat.

Foto: Harrieth Aira / NRK

– Jådediddjij ságastallamsadje

Árrana vuojno milta la dát barggojuogos jådediddjij ságastallamsadje, ja dan diehti dán vuojno milta oajvvadi.

– Árran ævtot ietjas direktørav. Barggojuogosiesj máhttá iehtjádijt nammadit, duola dagu fáhkaulmutjijt gudi ássjev máhtti guoradallat, tjállá Árrana direktørra Lars Magne Andreassen NRKaj.

Guokta oajvvádusá

Divtasvuona demenssasiebrre la buktám oajvvadusájt sámedikkerádáj gejt sij vuojnni bierriji TDMS-barggojuohkusin tjåhkkåhit.

– Middja lip tjadádam tjåhkanimev stivran, ja stivrra mierredij guokta namá, Anna Kuoljok ja Inga Karlsen, subtsas demænssasiebre jådediddje Inga Karlsen.

Oajvvádusájt doarjjot

Doajmma Siebrre Julevsábme jådediddje Viktor Inge Paulsen NRKaj diedet sij Jørgen Kintelav oajvvadi, duodden Anna Kuoljokav ja Hugo Kalstadav doarjodi.