Norheim oaivvilda ahte bálkkašupmi berre geigejuvvot Dánmárkku diktačállái Björn Rasmussenii, Norgga girječállái Linn Ullmannii dahje Ruoŧa Tom Malmquistii.
Loga Marta Norheima árvvoštallama:
Vuoitti almmuhuvvo disdaga skábmamánu vuosttaš beaivve maŋŋel diibmu 20:00 DR Koncerthuset, ja vuoittu lea 350 000 dánskka ruvnno.
– Buorre diktagirji
Marta Norheim goit ge árvvoštallá Sara Margrethe Oskala diktagirjji savkkuhan sávrri sániid buorre girjin, muhto oaivvilda ahte su diktačoakkáldat ii hástal nu olu ahte ánssáša bálkkašumi.
Loga maid:
Guovdageaidnulaš Sara Margrethe Oskal(46) almmuhii iežas vuosttáš diktagirjji jagi 2006as, váimmu vuohttumen. Oskal lea čađahan dutkama neaktinfágas doavttergráda dásis allaskuvllas Kunsthøgskolen i Oslo. Oahpu oktavuođas son almmuhii girjji Samisk gjøgler ut i verden. Sus lea maid hárjáneapmi neavttárin, dramatihkkárin ja bagadallin.
– Mun lean nominerejuvvon ja mus lea jáhkku oažžut bálkkašumi, go mun lean seammá eavttuid mielde dás go earát. Nu dajai Sara Margrethe Oskal njukčamánus NRKii, go nominerejuvvui bálkkašupmái.
Guldal sámi girječálli go lohka oasi iežas diktagirjjis:
Loga maid:
Ráfehisvuohta davvin
Marta Norheim čállá ahte buot 14 nammaduvvon girjjiin lea rukses árpu dahje buot girjjiin
lea oktavuohta. Ráfehisvuohta davvin. Juohke girječálli ovdanbuktá muitalusaid mat govvidit iešguđet ge dilálašvuođaid servodagas mas olmmoš gillá.
Sara Margrethe Oskala girjjis son čujuha ahte divttat leat oanehaččat, muhto son bidjá lohki suokkardallat sisdoalu. Divttat govvidit sámi árbevieru, boazodoalu ja dan máhtolašvuođa. Su čállosat govvidit maid morraša go boazodoallu gáržžiduvvo sisabahkkemiiguin.
Ovdamearkan son lea dohppen dán divttaža su diktagirjjis:
«Eallilan
dáhkádusat
manahit máidnasa
láhkalohkkiid logaheamis»
Sámi áinnut
Áillohaš-rohkki, Nils-Aslak Valkeapää(1943-2001), Eanodagas eret, lea dat áidna sápmelaš guhte lea ožžon Davviriikkaid girjjálašvuođa bálkkašumi jagi 1991, diktagirjjiin maid almmuhii 1988is, Beaivi Áhčážan.
Dál leaš oaidnit leago Áillohaš šat áinnut maŋŋel ihttáš bálkkašumi.