NRK Meny
Normal

Duvdá Norgga lagabui Eurohpálihtu

Norgga ráđđehusa EO-ministtar, Vidar Helgesen, láhčá vejolašvuođa Norgii bistevaččat searvat miellahttun Eurohpálihtu earrevuogádahkii, man bokte hálddašit dorvoohcciid. Eurohpá Uniovdna mearrida vuordimis oktasaš riddobearráigeahčču, máhcahanpolitihkka ja oktasaš standárda dorvoohcciid áittardanviesuide.

Vidar Helgesen, statsråd

Norgga ráđđehusa EO-ministtár,Vidae Helsen duvdá Norgga lagabui Eurohpálihtu.

Foto: NTNU

Norga lea juo miehtan searvat EO ortnegii man bokte galget sirddihit 160.000 dorvoohcci. Dál dieđiha Vidar Helgesen ahte Norga áigu searvat dán ortnegii jus dat ásahuvvo bistevaš ortnegiin. Dán čállá áviisa Klassekampen.

Veahkehit Greika ja Italia riikkaid

EU lea mearridan ahte dat 160.000 dorvoohcci mat leat boahtán Eurohpái maŋimuš guovtti jagis, galget juhkkojuvvot miellahttoriikkaide. Ulbmil lea veahkehit Greika ja Italia, gosa maŋimuš jagiid máŋggaid duháhiid mielde leat boahtán.

Maŋŋil Syrias jagi 2011 šattai siskkáldas soahti, leat badjel njeallje miljovnna olbmo báhtaran eret Syrias. Eatnasat sis lea ránnjáriikkain, Turkus, Libanonas ja Jordanis, ja máŋga čuđiid duháhiid mielde leat báhtaran Eurohpái.

IS ahtanuššá

Helgesen dadjá ahte ii leat doaivva lagamus áiggis čoavdit báhtareaddji heahtedili, danin go Irakas ja Syrias lea stáđismeahttun dilli, ja Isláma Stáhta (IS) ahtanuššá máŋggaid riikkaide.

– Mii fertet gal ráhkkanit dasa ahte dát lea guovlu mii ovddasguvlui doaivumis dagaha eanet ja stuorra heahtediliid, dadjá Vidar Helgesen.

Stáđismeahttunvuohta Eurohpá lagasguovlluin mearkkaša ahte EO ferte ovdánahttit politihka mii «sajáiduhttá» ránnjáguovlluid, oaivvilda Helgesen.