Hopp til innhold

Duopmárat ohppet sápmelaččaid birra: – Sámi perspektiiva sáhttá orrut ártet

Maŋemus vihtta jagi leat 15 sámi ášši leamaš Alimusrievttis. Advokáhtta dadjá lea buorre go duopmárat ohppet eanet sámiid birra.

Forsvarsadvokat Trond A. Biti

Trond Biti gii lea guhká bargan advokáhttan ja bealuštan sápmelaččaid sihke diggegottis, lágamánnerievttis ja alimusrievttis, oaidná erohusa barggus dan rájes og bargagođii.

Foto: Sidsel Vik / NRK

Sámi jurddašanvuohki ja kultuvra sáhttá leat amas duopmáriidda ja dat buktá hástalusaid diggeáššiin.

Norgga alimusriekti lágidii dán vahkku seminára, man ulbmil lei oahpahit sámerivttiid birra.

Trond Biti lea bealuštan sápmelaččaid sihke diggegottis, lágamánnerievttis ja alimusrievttis.

Lágamánnirievttis leat hárve sámi duopmárat, ja Alimusrievttis ges dušše dáččaduopmárat. Dat buktá hástalusaid, oaivvilda Biti.

Trond Pedersen Biti

Trond Biti.

Foto: Nils Henrik Måsø / NRK

– Dat lea eará ja amas máilbmi duopmáriidda. Dat lea máŋgii hástalus ekspropriašunáššiin, dat eai dovdda boazodoalu ja dan jurddašeami.

– Dat lea álo hástalus go geahččá eará kultuvrra amas čalmmiiguin, dadjá advokáhtta Trond Biti.

Norgga alimusriekti lea daid maŋemuš vihtta jagi gieđahallan 15 sámi guoskevaš áššiid. Earret eará Sárevuomi čearru, Ottar Anti, Jovsset Ante, Fosen ášši ja Nils Morten Skum leat lágastan alimusrievttis.

Ofoten tingrett i Narvik, foto fra rettsal

Norgga alimusriekti lea daid maŋemuš vihtta jagiid gieđahallan 15 sámi guoskevaš áššiid. Dá govva Ofuohta diggegottis Áhkánjárggas.

Foto: Markus Thonhaugen / NRK

Sámi perspektiiva sáhttá orrut ártet

Biti oaivvilda ahte dakkár seminára lea ávkkálaš, muhto ii jáhke oaidnit ávkki ovttatmano.

– Soaitá váttis oaidnit ná konkrehta jođánit, muhto guhkit áigge badjel sáhttá leat buorre riektesihkkarvuohta perspektiivii. Dat sáhttá mielddisbuktit ahte duopmárat jurddašit eambbo go bohtet eaŋkiláššit. Sáhttá leat guhkitáigge perspektiivvas ávkin.

Sis- ja Nuorta Finnmárkku diggegoddi lea erenoamáš dainna go doppe leat sámi duopmárat, geat dovdet sámi kultuvrra. Dat lea Biti mielas mávssolaš.

Makkár sámeáššiin lea váttis olahit ipmárdusa Norgga riektevuogádagas?

– Mus leat leamaš moadde ášši gos lea leamaš veahá sáhka ja vihkkedallan sámi árbevieruid dan dihto Norgga paragráfa ektui, ja dat lea álo hástalus.

– Dáččat árvvoštallet Norgga paragráfaid, dat heive sin jurddašallama mielde ja sámi perspektiiva máŋgii orru veahá ártet sidjiide, dadjá Biti.

Norgga Alimusrievttis dat lágiduvvui seminára mas ságastallui lagabuidda sámeáššiid birra norgga duopmostuoluin. Logaldallin ledje earret eará láhkadiehttit ja professorat geat leat leamaš mielde nannemin sápmelaččaid sajádaga stuorra servodagas.

Norgga alimusriekti lágidii ikte seminára Sámeáššit Norgga duopmostuoluin, riikkaidgaskasaččat ja našuvnnalaš perspektiivvas. Geahča video

Dáruiduhttin báidnan riektejurddašeami

Semináras digaštalle sámi guoskevaš áššiid Norgga duopmostuoluin.

– Ulbmil lea bidjat sámi dimenšuvnna rievttálaš gažaldagaid fuomášupmái, Vuođđoláhka §108 geatnegahttá stáda eiseválddiid láhččit vuođu nu ahte sámi álbmot beassá sihkkarastit ja ovddidit iežas giela, kultuvrra ja servodateallima.

– Dát addá gáibádusaid Norgga duopmostuoluide, earet eará duopmáriid gelbbolašvuhtii, ipmárdussii ja áddejupmái, dajai Alimusriektejustitiárius Toril Marie Øie rahpansártnistis.

Torp Toril Marie Øie

Toril Marie Øie doalai rahpansártni semináras gos duopmárat buot golbma instánssas, measta buot duopmárat Norgga Alimusrievttis ja muhtun alimusriekteduopmárat Ruoŧas ja Suomas ledje searvan. 

Øie muitalii maid ahte sámerievtti ovdáneapmi ii leat álo leamaš álki ja čujuhii dáruiduhttinpolitihkkii, mii báinnii riektejurddašeami.

Oahpai sápmelaččaid birra

Ovddeš Sámi vuoigatvuođalávdegotti jođiheaddji Carsten Smith lohka son lei maid álggos amas sámevuhtii.

– Jus lei juoga maid dovden ahte jođánit ohppen, vaikko in oahppan visot, dat lei ahte sápmelaččat lea sierra albmot mas iežas kultuvra, muitalii Smith semináras.

Carsten Smith taler

Carsten Smith lei sámi vuoigatvuođalávdegotti vuosttáš jođiheaddji. Barggu čađa lea oahppan sámiid birra. 

Foto: Gunnar Tjikkom / NRK

Smith ii leat áidna gii lea alcces háhkan oahpu sámiid birra, nu lea maid juristta Kirsti Bull Strøm dahkan.

Kirsti Strøm Bull

Kirsti Bull Strøm dadja ahte váilo máhttu sámi kultuvrras, historjjás ja gielas lea leamaš erenoamáš hástalus sámi guoskevaš diggeáššiin. Mii eat leat dovdan dán kulturárbbi.

Foto: Nils Henrik Måsø / NRK

Trond Biti oaidná erohusa barggus dan rájes go álggii advokáhttan bargat.

– Dat lea olu mii lea dáhpáhuvvan dan rájes go mun álgen advokáhttan. Dat lea hui buorre dieđusge.

Korte nyheter

  • Gult farevarsel for skogbrannfare i store deler av Nord-Norge

    Fra søndag er det lokal gress- og lyngbrannfare i deler av Nordland, Troms og Finnmark.

    Meteorologisk institutt sender derfor ut gult farevarsel.

    I tørre områder kan vegetasjon lett antennes, så vær forsiktig med åpen ild, er oppfordringa fra Meteorologene på X.

    Varselet gjelder til det kommer tilstrekkelig med nedbør.

    Farevarsel 20. juli
    Foto: Meteorologene
  • Minst 38.919 palestinere drept

    Minst 38.919 palestinere er drept så langt i den 288 dager lange krigen.

    Ifølge helsemyndighetene i Gaza er over 40 prosent av de drepte barn. Et ukjent antall ofre ligger også begravd i ruinene av bombede bygninger.

    Opplysningene om drepte og sårede er ikke bekreftet av uavhengige kilder, men anses for å være troverdige av FN og andre hjelpeorganisasjoner.

  • Eai fuola ruvkedoaimmaid suohkanii

    Les på norsk:

    Austrálalaš fitnodat Kingsrose Mining lea dahkamin geologalaš kártenbargguid sihke Guovdageainnus, Kárášjogas, ja Porsáŋggus. Sii ohcet nihkkela, veaikki, ja kobolta.

    Guovdageainnu suohkana sátnejođiheaddji Anders S. Buljo ii fuola ruvke- ja ohcanfitnodagaid suohkanii.

    Kárášjoga gielda ii ge fuola ruvkedoaimmaid gildii.

    – Lea váttis go dat guokte stuorra, sámi gielddat lohket a-a. Muhto mii leat ožžon lobi stáhtalaš eisseválddiin ohcat. Ja lea stáhta gii eaiggáduššá minerálaid eatnama vuolde, dadjá Kingsrose Mining hálddahusdirektevra Aina Borch.

    Son oaivvilda ahte lea boastut ahte boahttevaš buolvvat eai galgga oažžut diehtit makkár minerálat gávdnojit Finnmárkkus.

    (NTB)

    Aina Borch
    Foto: Dan Robert Larsen