NRK Meny
Normal

Nordlánddas eanet sápmelaččat

Nordlánddas leat ollu eanet sápmelaččát go ieža guovllus oba dihtet ge. Čieža dutki dat leat álmmuhan girjji mii duođašta dan.

Professor Bjørg Evjen holder foredraget De sa ho bestemor va finn.
Foto: Harrieth Aira

Juohke viđat Viesterála ássi Nordlánddas lea sápmelaš. Ollu eambbogat Nordlándalaččain leat ge sápmelaččát go dan mii dán radjai lea muitaluvvon.

Eai dovdda máttuid

Ollugat eai oba dieđe ge iežaset máttuid, vásihedje čieža dutki geat dál leat álmmuhan girjji mas duođaštuvvo ahte buot vuonain ásset sápmelaččát.

- Meastta juohke vuonas Nordlánddas, Báidáris, davás, ásse sápmelaččát ovdalašáigge. Nu lohká nubbi redaktevra girjjis, professora Bjørg Evjen.

Tromssa Universitehta profeassor, Bjørg Evjen, dat lea okta sis gii álmmuha girjji mas duođaštuvvo ahte stuorra oassi Nordlándalaččáid máttut ledje sápmelaččát.

Amas dieđut

Sii leat fuomášan ahte erenomažit Oarjelii Foalddás, dárogillii Sørfold, doppe ássit ledje ollugat sápmelaččát. Davimus Nordlánddas dat ásset ge navdimis dál ain ollugat geain sápmelaččát leat máttut. Báikkit ja guovllut nugo Bállat, Skániin, Divttasvuotna gal leat dovddus sámi guovllut, eatnasat ledje sámit. Nu dihtet goit dat čieža dutki duođaštit geat dál leat álmmuhan girjji man nammá lea Nordlands kulturelle mangfold.

- Sávan olbmuid fuomášit iežaset gullevašvuođa ja makkár kultuvra sis lea, lohká Bjørg Evjen.

Vuorddekeahttes bohttosat

Evjen ii loga iežas vuordán ahte lulli Sálttus ásse nu ollu sápmelaččát ovdalašáigge go dál lea duođaštuvvon. Dušše Strávis, dárogillii Straumen, doppe lea 38 proseantta ássiin sámi máttut. Dáid sápmelaččáid váldoealáhus lei guolásteapmi ja šibitdoallu. Dat mii dutki Bjørg Evjena mielas lea ártet lea go dušše okta Čuođi maŋisboahttis lea čálihan iežas sámi jienastuslohkui.

- Ollugat eai dieđe ahte leat sápmelaččát, earát ges várra eai hálit leat dan, navdá Evjen.