Hopp til innhold

Korte nyheter

  • Oscar-akademiija átnu ándagassii

    Oscar-akademiija lea atnun eamiálbmot aktivisttas ja neavttáris Sacheen Littlefeatheris ándagassii das mo láhttejedje suinna go son goasii 50 jagi áigge dassá hilggui Marlon Brando ovddas Oscara, dieđiha BBC.

    – Indiánarat lea gierdevaš álbmot, ii leat vássán go 50 jagi, láhttesta Littlefeather.

    1973:s son njuolgosáddagis hilggui Oscara Marlon Brando ovddas Oscara buoremus neavttár bálkkašumi, man son vuittii filmmain "The Godfather". Littlefeather muitalii sártnistis ahte Brandon ii háliit váldit vuostá Oscara dan sivas go mo filbmasuorgi meannuda amerihká eamiálbmogiid ja Wounded Knee dáhpáhusaid geažil.

    Dá lei vuosttaš politihkalaš cealkámuš Oscar-lávddis. Dát dáhpáhus váikkuhii Littlefeathera eallimii go maŋŋá dáhpáhusa son vealahuvvui ja olgguštuvvui filbmasuorggis.

    Sacheen Littlefeather, Roger Moore og Liv Ullmann
    Foto: Scanpix
  • Suopma unnida visumameari ruoššaide  

    Suopma unnida visuma meari ruošša ássiide 10 prosentii. Nu almmuhii olgoriikaministtar Pekka Haavisto maŋŋel ráđđehusčoahkkima maŋŋebárgga.

    Mearrádus doaibmagoahtá čakčamánu álggus. Duhátnáre ruoššat leat mátkkoštan Eurohpái Suoma bokte maŋimuš mánuid, juoga mii lea dagahan garra moaitámušaid Suomas.

  • Dáhttu álkibut elbiila luđema 

    Naf mielas galggašii leat álkit luđet elbiilla. Organisašuvdna čuoččuha elbiilavuoddjis ferte leat 10-12 áppa telefovnnas luđemii, ja juohke áppii ferte deavdit máksindieđuid. Naf dáhttu maid eanet stuorra luđenbáikkiid. Ráđđehus galgá čakčat buktit ođđa luđenstrategiija.

    Elbillader
    Foto: Simon Skjelvik Brandseth / NRK