Nominerejuvvon Folkelarmii

Juoigan CD, Guovddut juoigá-Yoiks From Guovdageaidnu, lea nominerejuvvon Folkelarm bálkkašupmái.
Heaika Hætta lea bádden ja buvttadan CD. CD:s leat 11 juoigi, iešguđetge agis, mielde. Ja dát juoigit leat Guovdageainnus eret. Folkelarm bálkkašupmi lea šaddan dehálaš ja gutnálaš tradišuvdnan, mii gudnejahttá musihkkáriid ja artisttaid, geat leat bargan erenomáš buori barggu tradišuvnna- ja álbmotmusihka hárrái. Balkkášupmi geigejuvvo čakčamánu 27. beaivvi.