- Tuhtjebe hijven buektiehtamme daam pedagogeles -psykologeles bïevnesem daejtie smaave gielide jarkoestidh, dihte Noerhte-Trøøndelaagen fylhkenålma, øøhpetimmiedirektøøre Knut Olav Dypvike jeahta.
Daelie maahta PP- barkoen bijre, åarjelsaemien gïelesne lohkedh, Noerhte-Trøøndelagen fylhkenålma, nedte-bielesne:
" Pedagogeles-psykologeles dïenesje
Pedagogeles Psykologeles dïenesje (PP-dïenesje) akte aamhtesemaehteles suerkie mij maanaj
evtiedimmien, lïerehtimmien jïh tråjjadimmien bïjre raereste mah leah skuvleaalteren nuelesne, jïh
learoehkidie maadth- jïh jåarhkeskuvlesne. PP-dïenesje aaj geerve almetjh viehkehte mah
maadthskuvlelïerehtimmiem daarpesjieh. PP-dïenesjen barkoe reaktavåaromem åtna
ööhpehtimmielaakesne. PP-dïenesje akte faageles vierhtie maanagïertide/skuvlide juktie
lïerehtimmiem buerebelaakan sjïehteladtedh maanide jïh learoehkidie sjïere daerpiesvoetigujmie."
Maanah mij åarjelsaemien gïelem goh voestes gïeline utnieh, mejtie dah daam PP-barkoem, åarjelsaemien gïelesne åadtjoeh?
– Håhkoem åtnam! Dannasinie daam bïevnesem buakteme. Tjïeltiej dah mij edtjieh daam PP barkoem faaledh. Daelie dah eejhtegh maehtieh daam bïevnesem åarjelsaemien gïelesne lohkedh, Dypvike jeahta.
