NRK Meny
Normal

Geerve eksaamene-barkoe

Abpe skuvlejaepiem oktegh klaassesne orreme, daelie vætnoe-eksaamene vaalteme.

Lene Sparrok

VÆTNOE-EKSAAMENE: Lene Cecilia Sparrok vætnoe-eksaamene Kråangken jåerhkeskuvlesne vaalteme.

Foto: Ristin Persson / NRK

Lene Cecilia Sparrok lea luhkietjïjhtje jaepien båeries, jïh dan jaepien vætnoe bijre Kråangken jåerhkeskuvlesne lohkeme.

Sjïere laavenjasse

Eksaamenen åvtelen Lene Cecilia åadtjoeji sjïere eksaamene-laavenjassem veeljedh.

Lene Cecilia Sparrok

AAVONE: Lene Cecilia eksaamene-laavensjassem vuesehte, skåerrieveaskoem.

Foto: Kjell Roger Appfjell / NRK

Dïhte veelji skåerrieveaskoe gåarodh. – Im manne deejrim jis edtjim galhkedh, dan åvteste våhkoen mij lij manne vïenhtim manne fer stoerre laavenjasse veeljeme, Sparrok jeahta. Golmeluhkie-gaekstie tæjmoeh åådtjem eksaamene-laavenjassine barkeme.


Dïhte oktegh klaassesne dan jaepien orreme jïh hïnneme jïjnjh ovmessie aatigujmie baarkeme. Dovne sessniegujmie, skåerrie stealladamme, gaptah jïh beelte gååreme. Gæjsam aaj dorjeme, jïh daelie hov eksaamene-laavenjassem.

Daate joekoen luste jaepie orreme, læjhkan mejtie oktegh orreme.

Lene Cecilia Sparrok

Eksaamene-biejjien veaskoem vuesiehti jïh buerkiesti maam jïh guktie dorjeme.

Gïelem lea vihkeles

Saejmie

TJAALEME: Lene Cecilia ovmessie saejmieh bijre tjaaleme, juktie edtja muejhtedh.

Foto: Kjell Roger Appfjell / NRK

Vïedtjesne baakoeh gævnjesjieh. – Gaajhkesh baakoeh buerkiestieh gaajhkh saejmieh, maam manne edtjem maehtedh, Sparrok soptsetse.

Dïhte aaj soptseste, aalkoevistie geerve baakojde lïeredh, mohte goh jïenebh jïenebh dejgujmie barki, dle aelhkebe sjïdti.

Joekoen vihkeles saemiestidh!

Leve Cecilia Sparrok

Liv Karin Joma lohkehtæjja orreme, jïh dah guaktah Lene Cecilia abpe skuvlejaepien barre saemiengïele nuhtjeme. – Daelie datne utneme bijjelen gøøkteluhkie tæjmoeh saemiengïele lissine, fer mijjieh maehtebe barre saemiestidh, Joma jeahta.

Lene med lærere

RÅÅRESJEMINIE: Lohkehtæjja Liv Karin Joma jïh Lene Cecilia rååresjægan.

Foto: Kjell Roger Appfjell / NRK

Lene Cecilia tuhtjie hijven orreme saemiengïelem abpe tijjiem nuhtjeme. – Mov daaroengïele nåakebe sjïdteme, dïhte jeahta jïh føørhkede.

Ovmessie vuekieh

Gosse edtja lïeredh vytnesjidh, dle hijven ovmessie vuekieh øøhpehtidh. Dan åvteste ij barre skuvlesne orreme. – Manne ovmessie lohkehtæjjah utneme, Sparrok buerhkeste.

Mov akte vihkeles bïhkehtæjja, mov aahka.

Lene Cecilia Sparrok

Sov aahka vihkeles bïhkehtæjja orreme. Dïhte lea dïhte mij Lenem vuekiem sijjien fuelhkeste lïereme.

Jåerhkedh vytnesjidh

Gosse daate skuvlejaepie nåhkeme, dle Sparrok akten jaepien aajmene åtna. Båetije jaapan tjuara lohkehtæjja målsodh, dam Sparrok tuhtjie nåake, jïh ahte ij åadtjoeh vytnesjidh fïerhten biejjien. – Ånnetji rovnegs, dïhte jeahta.

Mohte Lene Cecilia edtja hov jåerhkedh vytnesjidh læjhkan.