NM-spábbačiekčamat

Norgga spábbačiekčanlihttu lea dál mearridan movt vuosttaš vuorru dievdduid NM ráŧkačiekčamis lea, ja Oslo joavku Lyn čiekčá ruovttus Elite-joavkku Romssa vuosttá. Elitejoavku Bodø-Glimt ges galgá Romsii, gos čikčet Fløya vuosttá. Muđui leat Davvi-Norgga njunošjoavkkuin dát čiekčamat, Bossegohpi dahje Girkonjárga čiekčá ruovttus Álttá vuosttá, Junkeren čiekčá Salašvákki vuosttá. Harstad deaivvada Mjølnerin, vuosttašvuoru čiekčamiin mat leat guovtti vahku geahčen.