NRK Meny
Normal

Máilmmi meašttir njuorrasii go ollii Ruŧŧii

Jennie Johansson, geas leat máttut mátta Sámis, lohká leat váttis áddet ahte son duođaid vuittii gollii máilmmi meašttir vuodjangilvvuin.

Jennie Johansson

Jennie Johansson, gean sohka boahta Ruvhte sijtes mátta Sámis, vuittii golli máilmmi meašttir gilvvuin Kazan nammasaš gávpogis Ruoššas.

Foto: SVT

– Go oainnan buot lihkkosávaldagaid maid fuolkkit ja oahppásat čállet munnje sms bokte, de ain ribahan čirrostit, lohká Jennie Johansson , SVT -jearahallamis go seaivvui Ruttii.

Sotnabeaivve šattai son máilmmi meašttirin vihttalot mehtera raddevuodjamis Kazanas Ruoššas. Johansson sohka boahta ruoŧa beale mátta Sámis, nammalassii Ruvhte sijtes.

Vihttalot mehtera raddevuodjamis ii leat son goassege vuodjan ná jođánit, ja son lei ieš hirpmástuvvan go manai nu bures.

– Go bohten moalli ja oidnen ahte mu námma lei bajimus de in sáhttán áddet ahte mannai na bures, lohká Johansson, SVTii.