NRK Meny
Normal

Dálvvit otnot jus bivvalat bistet

Mannan mánu lei golbma ceahki lieggaset go muđui lea dábálaš temperatuvra dán aiggi. Kárášjogas ja Suolovuomis lei buollašeamos, 30,7 buolašceahki.

Karasjok

Dálvvit otnot jus bivvalat bistet. Njukčamánnu lei lieggaset go dábálaš.

Foto: SIGVE NEDREDAL / NRK

Jus joatkašuvva ahte šaddá lieggaset dálvi jagis jahkkái, de sáhttá dát oanidit dálvviid.

Ii nu liekkas 1900-logu rájes

Njukčamánnu dán jagi lei okta dain guoktenuplogi lieggaseamos mánuin 1900-logu rájes, dieđiha Metrologalaš instituhtta, NTBii. Eanemus erehusat, 4-5 ceahki gávdnat Østlánddas ja Finnmárkkus. Lieggaseamos lei Lyngdalbáikkis, Vest-Agderis 19,1 lieggaceahki.

Buollašeamos lei 30,7 buolašceahki mihttiduvvon Suolovuomis ja Kárášjogas, Finnmárkkus 22. beaivvi njukčamánu. Njuoskkadat olles norggas lei 95 proseanta go das mii lea dábálaš. Njuoskkaseamos guovlu lei Lurøy-báikkis Nordlánddas, gos lei 132 proseanta eanet go dábálaš, ja goikaseamos guovlu ges Borglund-báikkis, Lo Lærdalas guhttá proseanta das mii lea dábálaš.

Suolovuopmi caravanplass

Dáppe Suolovuomis ja Kárášjogas mihttiduvvui buollašeamos báiki norggas dán mánu, 30,7 buolašceahki.

Foto: Gyda K. Hesla