Jåma lea ieš vásihan unohis ja dohkkemeahttun cuiggodeami dan áiggis go lea leamašan NBR-jođiheaddjin.
Bargat guottuiguin
– Mu mielas lea dehálaš dál smiehttat mo boahtteáiggis, dadjá Jåmá.
Foto: Skjermdump / NRKJahkečoahkkin galgá earret eará gieđahallat mo organisašuvnna sáhtášii buoredit ja danne lea nuppástuhttin árvalus oassi áššiin. Dan olis lea vejolaš ja lunddolaš ságastallat makkár guottuid ja árvvuid organisašuvdna háliida, nu ahte áiggi mielde šattašedje njuolggadusat maiguin sáhtášii eastadit láhttema mii ii leat sávahahtti.
– Čorget dálus
Romssa Universitehta vuosttas amanueansa, Ánde Somby, gal oaivvilda searvvi fertet geahčadit dábiidis lagabuidda ja čorget dálus.
Mo jus jahkečoahkkin ii mearrit maidege dahje ii ráŋggáš dákkár láhttema?
– Na, jahkečoahkkima bargu lea ovddidit searvvi nu bures go leš vejolaš ja dan intereassaid, go dát lea intereassaid searvi. Jus jahkečoahkkin dan ii dagaš, de jahkečoahkkin ii bargga dalle dan barggu maid jahkečoahkkin galggašii bargat, deattuha Somby.
– Jahkečoahkkin dat lea mii ferte fuolahit ahte dat organisašuvdna doaibmá, dadjá Somby.
Foto: Dan Robert Larsen / NRKMo jus dáinna áššiin mahká ii bargga organisašuvdna maidege dahje luoitá dán leat gieđahalakeahttá, mo dat orru du mielas?
– Na dalle gal NBR;a bilida justa dan beaggima ja mii eallit dakkár áiggis mas servviin ja institušuvnnain lea okta dat buot dehálamos, justa dat beaggin. Nu ahte mun gal doaivvun ahte jahkečoahkkin dan váldá vuhtii, justa dieid beliid mo galgá meannudit vai searvi ja dat beroštupmi man vuođul searvi lea vuođđuduvvon, ahte dat ovddiduvvošii nu bures go sáhtášii, loahpaha Somby.
