NRK Meny

Nissonolmmoš áššáiduhtton


Gávccátlotjahkásaš nissonolmmoš lea áššáiduhtton maŋŋel go su isit jámii lávvardaga. Politiijat gávdne dievddu roasmmohuvvan iežas ruovttus Skániin, gaskavahku čuovganeapmái. Dievdu sáddejuvvui buohccevissui gos son lávvardaga jámii. Politiijat leat váldán gitta dievddu eamida ja son lea áššáiduhtton rumašvahágahttimis mas váikkuhus lea jápmin.
Áktor gáibidii otná giddagasčoahkkimis ahte nissonolmmoš biddjo njealji vahkkui rájusgiddagassii. Nissona bealušteaddji gáibida ges su beassat, go lohká ahte ii leat várra ahte dagaha duođaštusaid ovdii.