Go son joatkkaskuvlla váccedettiin áddegođii mo stuorát álbmot vealaha sápmelašvuođa, de váikkuhii dat su bargoválljemii, muitala Nils Johan Heatta, gii dál heaitá NRK Sámi hoavdan.
Dál beassá Nils Johan Heatta buđaldit nugo dá, suovastuhttin lávuin, muhto álggus de lei suhttu mii bovtii miela buoridit sámi servodaga.
Go son dál heaitá NRK Sámi hoavdan, de ii mearkkaš ahte gártá astoáigge doaimmaid haga.
Ii «biepmat gieđaid»
– Juo, mun lean gal dakkár olmmoš ahte mun gal in stađa čohkkát nie ahte barggu haga; de gal moivváskan. Mun árvidan jus don jearašit mu eamidis, dat lohká son gal ii oainne dan isida gal lávvardat iđit rájes gitta sotnabeaivvi eahkedii.
Nuorran jo vávjjii mo min álbmot ja kultuvra badjelgehččo ja nu šattaige sámi servodaga ovdánahttin su láidesteaddjin.
– Go oahppagohten mii dat leat dáhpáhuvvan min álbmoga guovdu historjjálaččat, joatkkaskuvllas maid vázzen Kárášjogas, de mun gal ferten mieđihit mun gal suhtten.
– Mun eddon hirbmadit, go ná leat gieđahallan oppa álbmogiin. Badjelgeahččat, giella duššin dahkkojuvvon, visot dat kultuvra- ii han das lean árvu, ii mihkkege.
Ja dat gal dieđusge čuožžilahtii dakkár suhttu ja veahá dan áiggi maiddái vaši dan servodaga ektui mii ná lea rassan min álbmogiin.
Heatta lea 30 jagi jođihan ja ovdánahttán NRK Sámi prográmmafálaldaga ja dainna hovdenbargguin lea son lihkostuvvan bures, oaivvilda NRK ovddeš sáddehathoavda, Hans Tore Bjerkaas.
– Su bargu lea rámidan veara. Sii guđet muitet makkár sámefálaldat lei 30 jagi dassái, oidnet erohusa mii lea šaddan, ja das ii galggašii leat makkárge eahpádus ahte sámegiel rádio-, tv- ja neahttafálaldaga viiddideapmi lea leamaš dehálaš dán giela ja kultuvrra áimmahuššamii, ja dan barggus lea Nils Johan Heatta leamaš njunnošis.
– Dieđusge dat mas mun doaivvun lea leamaš stuorimus servodat váikkuhus, dat leat tv-sáddagiid álggaheapmi ja dađistaga tv beaivválaš tv-ođassáddagiid, ja dieđusge dál go lea maiddái Mánáid-tv sátta juohke beaivvi.
Ean lean alo ovttaoaivilis, muhto dat ii leat goasge botken sutno buori ustitvuođa, dadjá Nousuniemi
Foto: Piera Balto / NRK
Davviriikalaš fálaldagat
Oktasaš Davviriikalaš prográmmafálaldaga nannenbarggus lea maid Heatta leamaš njunnošis, muitala YLE Sámi ovddeš hoavda, Juhani Nousuniemi.
– Son lea leamašan njunuš láidesteaddji buoridit sámegiel mediafálaldaga dáppe Davviriikkain ja son lea leamašan hui čeahpes ja viššalis hoavda ahte duon su ánsun gal lea oalle olu dat mediafálaldaga ovdáneapmi sámegillii Davviriikkain.
Sohkadiehtti
Iežas astoáiggis lea Heatta maiddái ealjáris fuolkevuođa- ja sohkaguorahalli ja lea dál maiddái ráhkkaneamen lágidit sohkadeaivvadeami.
– Gal jo dát gal lea dat somás bargu dainna go dát doalvu veahá jurdagiid dan beaivválaš barggus eret. Dat šaddá veahá earálágan jurddašeapmi.
– Jeg skulle besøke noen som bor der, men fikk ikke komme inn. Det har vært stengt for besøk en ukes tid, sier tipseren til Harstad Tidende fredag ettermiddag.
Ifølge ordfører i Tjeldsund kommune, Robin Ridderseth, er det ikke en farlig situasjon.
– Det minner mest omgangssyke, og er ikke et alvorlig utbrudd. Det er likevel innført besøksrestriksjoner, som oppheves i løpet av helgen, sier ordføreren til NRK.
Jan Christian Vestre blir helseminister etter Ingvild Kjerkol. Cecilie Myrseth blir næringsminister, mens Marianne Sivertsen Næss blir fiskeriminister.
Vestre (Ap) kommer fra jobben som næringsminister. Det blir Myrseth (Ap) fra Troms som overtar etter ham. Sivertsen Næss (Ap) fra Finnmark er et nytt fjes i regjeringen og kommer fra rollen som leder av energi- og miljøkomiteen på Stortinget.
De tre ble presentert på Slottsplassen etter et ekstraordinært statsråd på slottet fredag.
