NRK Meny
Normal

Hirpmástuvvan vuoiti

Filbmadahkki Nils Gaup oažžu Finnmárkku filkkagieldda kulturbálkkašumi 2007. Ieš lea hirpmástuvvan.

Filmregissør Nils Gaup får Finnmark fylkeskommunes kulturpris
Foto: Erik Johansen / Scanpix

- Mu gal hirpmástuhttá veaháš go vuoittán dán bálkkašumi. Mun han lean eanaš bargan olggobeale Finnmárkku ja filmmaiguin mat muitalit eará go Finnmárkku birra. Muhto mun lean hirbmat liikon go oaččon dán bálkkašumi, lohká Nils Gaup.

Lea ovddastan Finnmárkku

Finnmárkku kultur,- ealáhus- ja johtaluslávdegoddi lea juohkán filbmadahkkái filkkagieldda kulturbálkkašumi 2007.

Lávdegoddi oaivvilda dovddus Nils Gaupa filbmadahkkin ovddidan sihke Finnmárkku ja sámi kultuvrra, erenoamážit "Ofelaš"-filmmain, mii nominerejuvvui Oscar bálkkašupmái buoremus olgoriikkalaš filbman.

Gaupa ođđa filbma Guovdageainnu 1852 stuimmiin lea nannen su evttohassan bálkkašupmái.

Vuosttaščájálmas čakčat

Bálkkašupmi juhkkojuvvo boahtte maŋŋebárgga, jus Gaupas leš áigi dasa. Čakčat lea vuosttaščájálmas su ođđa filmmas.

- Munnje lea erenoamáš movttidahtti oažžut dán bálkkašumi dan bottago barggan Guovdageainnu-stuimmiiguin, lohká Gaup.

Gula Nils Gaup jearahallama