NRK Meny
Normal

Nils Gaup filbma Glassdukkene

Cuoŋománu 4. beaivvi lea vuosttaš almmolaš čájeheapmi Nils Gaup ođđa filmmas "Glassdukkene". Filmmas leat juo čájehisgoahtán máidnosiid, dáid vuođul de orru dát leamen čearggusis filbma.

Fra Glassdukkene
Foto: Arthur Arnesen / FotoFilm

Issoras dat orru leamen Glassdukkene filbma, dies juo died jienain gulaimet balddihahtti jienaid.

Rihkolašvuohta guovddážis

Nils Gaup

Nils Gaup muitala iežas lohkan girjji maid Jorun Thørring lea čállán. Das lei sápmelaš Aslak Eira váldodutkin Tromssa politiijaguovddážis. Gaup muitala ahte Eirrás leat erenoamáš bargovuogit. Son ii leat nugo olbmot navdet su leat.

Filbmejuvvon Tromssas ja Øverbygd Film Campas

Filbmenbarggut leat dahkkon Tromssas ja Øverbygda Film Campas. Váldoneavttárin leaba Stig Henrik Hoff ja Lena Kristin Ellingsen.

Gaup muitala iežas ráhkadan álgooasi filmmas. Dás galget ráhkadit eanet osiid, ja de šaddá filbma tv-ráidun. Iežas ii loga diehtit mo joatkašuvvá, danne go dalle leat earát geat hábmejit filmma. Muhto filbmenbarggut galget dahkkot Tromssas, danne go doppe dat lea politiijaguovddáš, mii lea guovddážis filmmas.

Iežas lohká filmma oaidnit ollásit cuoŋománu nuppi beaivve Tromssas, ja de čájehišgohtet filmma cuoŋománu njealját beaivvi rájes eará guovlluin Norggas, nu muitala filbmadahkki Nils Gaup.