Nihttá johkamohki sámeskuvlla geassit vaikko diggái

Sámeskuvlastivra ságadoalli Börje Allas nihttá váidit rektora Johkamohki sámeskuvllas, mii lea aitto virgáduvvon. Allas oaivvilda ahte stivra mearridii fállát rektor virgi eará ohcii, ja danin sáhttá dát šaddat diggeáššin.

• Loga maid: Váidalit fylkkmánnii go mánát eai beasa vuodjat.

Sámediggi imaštallá

Ruoŧa sámedikki stivrajođiheaddji Håkan Jonsson imaštallá ášši.

– Sus eai leat buot dieđut ášši birra, ja son ii dieđe makkár oktavuohta sudnos lea leamaš, dadjá Jonsson.

Son joatká vel muitalit ahte dábálaččat galget virgeolbmot doallat oktavuođa bargoohcciiguin.

• Loga maid: Dáhtošedje nuoraid searvat girječállinohppui

Sierralágan oaidnu

Sámeskuvlastivrras leat iešguđetlágan oainnut dasa ahte gii galggašii leat rektor virggis, johkamohke sámeskuvllas.

Golbma Sámeskuvlastivra-áirasa leat dieđihan ahte sii eai luohte Børje Allasii ságadoallin.

Ieš Allas ii searvva jearahallamii, muhto dadjá ahte sii eará čoahkkimis ledje juo mearridan fállat barggu eará ohccái.

• Loga maid: Ođđa mánáidgirji

(ášši joatká video vuolábealde)

Váhnen váivahuvvá

Johkamohke sámeskuvllas lea leamaš sadjásaš rektor jagi, ja sihke bargit ja váhnemat leat muitalan ahte sii sávvet dili čielgat jođáneamos lágiid.

Váhnen Anna-Karin Lænta atná ášši váivin.

– Diehttalas váivvida dat su go eai nagot čielgadit rektor ášši. Dat addá eahpesihkarvuođa sihke váhnemiidda ja skuvla bargiide, lohka Lænta.

Son sávvá maid ahte mánát eai galggaše dárbbašit gillát ášši dihte ja ahte pedagogat áin jotket bargat buori bárggu skuvllas.

– Son ii leat gearggus diktit sámeskuvlla mannat endorii dušše dan dihte go muhtin olbmot eai nagot rievttes mearrádusa dahkat. Sii eai boađe vuollánit ja son jáhkká eanas sápmelaččat Johkamohkis dorjot su dán áššis, loahpaha Lænta.

Sámeskuvlastivra ferte doaibmat

Sámedikki stivrajođiheaddji Håkan Jonsson ii loga iežaset sáhttit seaguhit sámeskuvlastivrra bargui, muhto go sii válljejit áirasiid sámeskuvlastivrii, ja jus bargu ii doaimma, de fertejit geahččat sáhttet go maidege bargat.

– Sámeskuvlastivra gal ferte doaibmat, dadja Håkan Jonsson.