Nïekedassem åtna jih Wienese vuelkedh

–Raeffiem åådtjeme jih laavvardahken edtjem finalesne lustestalledh .

Jon Henrik Fjällgren

Jon Henrik Fjällgren edtja finalesne (Manne leam frijje)joejkedh, Sveerjen Melodifestivaalesne.

Foto: JONAS EKSTRÖMER / TT / TT NYHETSBYRÅN

Jon Henrik Fjällgren, Mihteste, Sveerjesne. Daelie dihte Sveerjen Melodifestivaalen finalese baahtseme, mij edtja laavvardahken, Friends Arenenesne, Stuehkesne årrodh. Sov vuelien nomme «Manne leam frijje»

Dihte raeffiem åådtjeme jih tuhtjie luste dihte gaahtjeme retnoe aalka, http://sverigesradio.se/sameradion bievnede.

– Barkoes orreme, dah biejjieh gaahtjemen åvtelen. Daelie hijven domtoe jih luste sjædta.

Niekedassem åtna jih Melodifestivaalem vitnedh.

Guktie vienhth finalesne gåarede?

– Nïekedassem åtnam Wienese baahtsem. Im daejrieh, gaajhkh daesnie, joekoen væjkele.

Jon Henrik Fjellgren bovtsi gujmie Mihten sijtesne giehteleminie. Mejite datne jijtje vaaran rahtjeminie?.

– Nov amma nemhtie! Veeljeme jijtje meatan årrodh daan laavlome gaahtjemisnie, dellie tjoerem ïedtjies årrodh. Dah bovtsh hijven utnieh jih dan vaaran maahtam mængan vuelkedh, Fjällgrene jeahta.

Eah leah man gellie saemieh mij lean meatan Melodifestivaalesne orreme, guktie daan bijre ussjedh?

– Luste orreme mejtie jienebh aaj diekie ohtseme. Daajram jijnjh saemieh væjkeles joejkedh.

Saepmien dåarjome:

– Jaavoe, daate munnjan vihkeles, saepmie mannem dåarjoeh.

Sveerjen melodifestivaalen finaale laavvardahken njoektjen 14.b. Friends Arenasne, Stuehkesne. Dihte mij daam vitnie, åadtje Sveerjen åvteste gaahtjedh daan Europan Melodi Grand Priesne Wienesne.