NRK Meny

Nieida (17) goddon dorvodustehusas

Ievttá eahkeda goddui 17-jahkásaš nieida niibbiin Sunndala dorvovuostáváldinbáikkis Nordmøres. Politiijat jotket dutkanbargguid, ja áigot otne dutkat vihtaniid.

18-jahkásaš lea áššáiduhtton áššis. Guktot leaba boahtán Eritreas. 18-jahkásaš almmái báhtarii eret dorvovuostáváldinbáikkis, muhto váldui gitta dalá maŋŋá. Sundala gielda lea ásahan heahteveaga áimmahuššan dihtii dorvodustehusa ássiid ja bargiid.