Niehkostipeanda nuorra niidii

Sirbmá-nieida Eila Ballovara Varsi lea vuoitán Niehkostipeandda. Bargostipeanda lea 15 000 ruvnno ja dan juolluda Norsk Tipping ja Norgga Kulturskuvlaráđđi. Ballovara Varsi lea neavttár ja čállá ohccámis ahte su sámi identitehta lea hui nanus ja neaktimis son vuohttá man earenoamáš lea neaktit sámegillii. Ihttin geigejuvvo stipeanda sutnje Deanus.

Eila Ballovara Varsi
Foto: HANNAH NOSTE / NRK

Korte nyheter

  • Máhcahit goavdása sápmái

    Dánmárkku kulturministtar lea mearridan máhcahit sápmái ja Kárášjoga Sámiid Vuorká Dávviriidda 300 jagi boares goavdása, maid dánskalaš eiseválddit 1600-logus dolvo Københámmanii. Dan čállá VG áviisa. Sámi álbmot lea guhká gáibidan ahte sirdet goavdása oamasteami sámiide. Dánskka kulturministtar dadjá ahte lea lunddolaš ahte goavddis lea dan museas, gos das lea historjjálaš gullevašvuohta ja gos dan leat čájehan máŋga jagi.

    Anders Poulsen
    Foto: Majia Holm Balto
  • Eai leat doarvái mánáidgárdebargit

    Váhnen Lone Márjá Gaup Henriksen ii leat duđavaš go Loabága sámi mánáidgárddis Mátta-Romssas eai leat doarvái sámegielat mánáidgárdebargit. Loabága gielddadirektevra mieđiha ahte dálá fálaldat ii leat doarvái buorre. Gielddadirektevra lohká dál iežaset áigut váldit oktavuođa muhtin olbmuiguin jus de gávnnašedje bargiid mánáidgárdái. Geahča olles video dá.

    Váhnen Lone Márjá Gaup Henriksen ii leat duđavaš go Loabága sámi mánáidgárddis Máttá-Romssas eai leat doarvái sámegiel-mánáidgárde bargit. Loabága gielddadirektevra mieđiha ahte otná fálaldat ii doarvái buorre ja áigu ohccát sámegielat bargit.
  • Balaha ahte jođiheaddji lea sivalaš go bargit heitet

    Ester Fjellheim balaha ahte Sámi Klinihka jođiheaddji Amund Peder Teigmo lea sivalaš dasa go muhtin bargit heitet klinihkas.

    Fjellheim lea Davvi Dearvvašvuođa guovllu geavaheddjiidlávdegoddi lahttu. Geriatriijajoavku lea čilgen manne heaitá, dadjá son.

    Teigmo vástida čálalaččat NRK:i ja atná váivin go dien lágan dieđut juhkkojit.

    Su hoavda, Finnmárkku buohcciviesu hálddahusdirektevra, Siri Tau Ursin ii háliit digaštallat iežas jođiheddjiid medias. – Mus lea ollislaš luohttámuš Sámi Klinihka jođiheaddjái, ja munnos lea buorre gulahallan, dadjá son.

    Sámi Klinihkka, Karasjok
    Foto: Mariam Eltervåg Cissé / NRK