Korte nyheter

  • Eanet ruoššaluossa go luossa

    – Deanu luosa boahtteáigi lea áitojuvvon, ja das ferte leat fuolas, dadjá Deanu gieldda sátnejođiheaddji Helga Pedersen.

    Diibmá registrerejuvvojedje Deanus eanet ruoššaluosat go luosat, čállá iFinnmárk-áviisa. Pedersen lea máŋga doaimma buktán ovdan das mo sáhttá Deanu luosa gádjut.

    – Ii leat eahpádusge, mii fertet juoidá duođaid garra doaimmaid dahkat gádjun dihte luosa, dadjá son.

    Helga Pedersen Arbeiderpartiet
    Foto: Maret Biret Sara Oskal / Maret Biret Sara Oskal
  • Ložžejit karantenanjuolggadusaid

    Norgga dearvvašvuođa- ja fuolahusdepartemeanta lea mearridan heaittihit vehážiid mielde dálá karantenanjuolggadusaid mat gusket olbmuid geat riikii bohtet, nu mo Álbmotdearvvašvuođainstituhta lea ávžžuhan, čállá departemeanta preassadieđáhusas.

    Dát boahtá fápmui otne gaskaija áigge.

    – Álbmotdearvvašvuođainstituhtas oaivvildit ahte leat nu unnán mátkkošteaddjit geain ii leat koronaduođaštus, ahte dat ii váikkut nu olu njoammundillái, ja danne lea áigi rievdadit karantenanjuolggadusaid, dadjá dearvvašvuođaministtar Ingvild Kjerkol.

    Ingvild Kjerkol (Ap)
    Foto: Trond Stenersen
  • Sihtin siettosvuodav boarkkit

    Filmma råhtsatjime birra vuostasj bále vijmak vuoseduváj gáktsa jage maŋŋela gå filmmitjit álggin. Filmma «The Silence in Sápmi», sámegiellaj jårggåluvvam «Siettosvuohta Sámeednamin», la dokumentárra histåvråjn guovtes nissuna birra gudi vuornnoba siettosvuodaj nihteduvvat. Dåjmadiddje l Liselotte Wajstedt, ja Ida Kristin Labba Persson ja Marion Anne Mienna Rimpi guovtes libá oajvveulmutja filmman.

    – Uddni l buorre biejvve, javlaj Marion Anne Mienna Rimpi Divtasvuonas Hábmerin gå filmma vuostasj bále lij vuoseduvvam.

    Dánna dárogiellaj lågå/Les på norsk her.