Gal Beyoncé lei áibbas dábálaš čeahppi neaktit, muhto dađebahát lei filbma hui fuotni. Filbma lea ráhkaduvvon teahterčájálmasa vuođul (mas lea seamma namma) maid lohket leamas hui buorre, muhto mu mielas lea hárve ahte okta teahterčájálmas šaddá seamma buorre filmmas.
Dreamgirls lea golmma nieidda birra, geat hálidit šaddat lávlut. Šaddet konflivttat gaskaneaset mii lea dego dan filmma vuođđu. Historjjá vuođđu lea The Suprimes muitalusa ovdaneapmi vuođul.
Filmmas lávlot hui olu, nu go eanáš eará teahterčájálmas -filmmain, muhto eai lávlagat leat nu buori ahte daid gánnáha guldalit (earret okta mii maid gávdno Beyoncé CD skierrus; Listen), ja filbma bistii erenoamáš guhkká ahte ii geavvan nu olus mihkkege. Ádjánii guhkká ovdal bođii dan loahppajurdagii ja mu mielas lei oppálaččat aibbas dábálaš muitalus.. Ii lean geasuheaddji muitalus ja lávlagat eai lean guldalanveara . Oppanasii lei mu mielas hui fuones filbma.
Oaiverollain leat earret eará Beyoncé, Jamie Foxx ja Eddie Murphy.
Eddie Murphy vuittii Buoremus veahkkeneavttár (Best Performance by an Actor in a Supporting Role) USA Academy Awards:as ja Jennifer Hudson fas vuittii Buoremus nisson veahkkeneavttár Oscar Awards:as
Jos liikot geavahit moadde diimmu guldalit fuones lávlagii, čatnon filbmii mas lea fuones ja suivvas muitalus, de berret dán filmma geahččat.
