Sami Grand Prix daan påasken Gouvdageajnosne orreme. 10 joejkin jih 6 laavloejin daan Saepmien støøremes musihke gaahtjemissne.
Jørgen Stenberg, Maalege, Sveerjeste vitni daam joejke gaahtjemem jih Aila Duo vitni daam laavlome gaahtjemem.
Nejlan joejke.
Jørgen Stenberg, Maalege,Sveereste joejki daan sov baahtjen Nejlan bijre. Daate lea gåalmede aejkien Stenberg meatan daan Sami Grand Prix. Voestemes aejkien lea 1995. Dihte joejkeles kaarre sjidteme jih dæjman dellie sov voestemes cd bøøti. Sami Grand Prixen mængan, dallegh Seychellene gåajka vualka, gusnie edtja konsertem utnedh.
–Tuhtjem geerve jih musihkene jih joejkene gaahtjedh. Aelhkebe orreme idrettene gïehtelidh, dellie vuejnieh gieh sneehpemes. Jeatjah-laakan musihkene. Joekoen aavosne leam.
Gieries-voete joejkem daan mov baahtjese jih båatsoese dorjeme. Vïenhtem daam govlede.
–Dihte mov, noere baahtje, goh båeries-aajjeskodtje båatsoesne. Båeries- laakan ussjede jih dihte mov lyjhkedse-mietie, jeahta Stenberg.
Gieries voete.
Heli Aikio lea gieries-voeten vueliem tjaaleme maam Aila Duo laavloejigan .Daate vuelie enare saemien gielesne tjaalasovveme. Akte onne saemien giele, maam vaenie almetjh daan biejjien maehtieh soptsestidh.