NRK Meny

NBR gáibida 143,1 miljovnna ruvnno

Norgga Boazosápmelaččaid Riikkasearvi (NBR) ovddidii ikte organisašuvnna jagi 2017-2018 boazodoallošiehtadussii ealáhusa gáibádusa. NBR gáibida 143,1 miljovnna ruvnno boazodollui. Guovdilastinsuorggit NBR gáibádusas leat guohtuneatnamiid suodjaleapmi, nannet boazodoalu iešstivren ja iešmearridanvuoigatvuođaid, sihkkarastit boazodoalu bearašvuođuštuvvon ealáhussan, sihkkarastit boazodoalu ceavzilvuođa boraspirevahágiid hárrái ja sihkkarastit čálgoortnegiid ja DBS-ortnega boazodoalus.