Olmmáivákki ássit leat hirpmáhuvvan maŋŋel dáhpáhusa.
Dievdu válddahalai gitta politiijaide, biddjui háldogiddagassii ja lea dál áššáiduhtton rohcošeami geažil. Nuoraid astoáiggebáikkis lei jođiheaddji Kurt Solstad barggus go politiijat bohte viežžat dievddu.
Čajehalái ruđáid ja lihkastagaid
Solstad muitala ahte dievdu válddahalai gitta maŋŋel go ledje oaidnán su vuodjime nuoraid astoáiggebáikki lahka iežas rukses volvoin.
Nuorat ledje oainnat ovdal vásihan ahte dát dievdu dáinna biillain lei čájahallan sidjiide ruđa láses ja seammás dahkan gieđaiguin lihkastagaid. Nuorat ledje ožžon dieđu politiijain ahte galge dieđihit jus oidne seamma dievddu fas doppe ja nu dahkege de.
Nuorat suorganan
Solstad muitala nuoraid dál suorganan ja jus oidnet rukses volvo de healkkehit.
Solstad lohká ahte dás lea sáhka njeallje-vihtta nieiddaža birra, geat leat 13 ja 16 jagi gaskkas. Muhtumat sis leat leamaš dutkkalmasain politiijaid luhtte.
Solstad sávvá ahte lea vuosttaš ja maŋemus geardde go dákkár ášši dárbbaša vásihit.
Áššáiduhttan dievdu ii oro Olmmáivákkis, ja politiadvokáhtta Torstein Funderud Skogvang ii dáhto eambbo muitalit go leat ain dutkame ášši.