NRK Meny

Návdá pasieanttaid šaddet feaskárii

Váldodoavttir Helge Søndenå ballá ahte Girkonjárgga ođđa buohcciviesus fertejit olu buohccit orrut feaskáris. Nu čállá Sør-Varanger áviisa. Girkonjárggas leat dál medisiinnalaš ossodagas 22 seaŋgasaji, muhto sis leat jámma birrasiid 30 buohcci siste.
Ođđa visttis leat lanjat unnit go dálá lanjat, ja dat dahká ahte buohccit fertejit vealát feaskáris, nu návdá váldodoavttir dili šaddat.