NRK Meny
Normal

- Tsaegkieh dov gapta!

Duarsta daan våhkoen lea nasjovnale gaptabiejjie abpe eatnamisnie.

Draktdeler til sørsamisk drakt
Foto: NRK

– Mijjieh sijhtebe vuejnedh gaptam abpe eatnamisnie, jih håhkesjebe gaajhkh mij gaptam utnieh, edtjieh dam tsaekedh, ståvroelïhtsege Anna Linnea Fjellheim Varsi jeahta.

Anna Linnea Fjellheim Varsi

Ståvroelïhtsege Anna Linnea Fjellheim Varsi

Foto: Noereh pressefoto

Duarsta daan våhkoen lea voestes aejkien nasjovnale gaptabiejjie. Noereåårganisasjovne Noereh lea daan deahpadimmien duekesne.

Jis ij gaptam utnieh, dle maahtah skohpmehke jallh voedtegh löönedh, jallh datne maahtah maam-akt gåarodh.

Vihkeles gaptam vuesiehtidh

Åarjelsaemien niejte, Anna Nordfjell, lea novh positijve daan biejjese. Dïhte vienta edtja meatan årrodh jih gaptam tsaekedh.

– Manne tuhtjiem daate lea buerie biejjie vuesiehtidh mijjen tjaebpies gapta jih mijjen kultuvre, Anna jeahta.

Anna Nordfjell

Anna Nordfjell

Foto: Privat

Dïhte aaj tuhtjie almetjh eah daejrieh saemien bïjre, jih kaanne nasjovnalebiejjie goh daate maahta buerebe maahtoe jih vååjnoe vedtedh dejtie goh ij dan soe jijnjh daejrieh.

Seamma gusnie datne leah

Dïhte åssjalommes bööti gosse dah noereh ussjedin dah daarpesjin jijtje gaptabiejjie, jih gaptabiejjie sjædta.

Ihkie Noereh lea dorjeme orre biejjie, ij lea naan joekoen sijjie gusnie daate edtja deahpadidh.

– Mijjieh sijhtebe datne edtjh gaptam tsaekedh sïjhme biejjiesne seamma gusnie leah, Fjellheim Varsi jeahta.

Lohkh aaj: Gaptabiejjie